July All Days In Gujarati

રાષ્ટ્રીય પ્રસારણ દિવસ: 23 જુલાઈ

દર વર્ષે 23 જુલાઇએદેશભરમાં રાષ્ટ્રીય પ્રસારણ દિવસની ઉજવણી કરવામાં આવે છે. 1927 માં આ દિવસે મુંબઇ સ્ટેશનથી ખાનગી કંપની ઇંડિયન બ્રોડકાસ્ટિંગ કંપનીના બોમ્બે સ્ટેશનથી દેશમાં પ્રથમ રેડિયો પ્રસારણ શરૂ કર્યું.

રાષ્ટ્રીય પ્રસારણ દિવસનો ઇતિહાસ:

ભારતમાં પ્રથમ રેડિયો પ્રસારણ 23 જુલાઈ 1927 ના રોજ બોમ્બે સ્ટેશનથી કરવામાં આવ્યું હતું. તે સમયે આ સ્ટેશન ઇંડિયન બ્રોડકાસ્ટિંગ કંપની નામની ખાનગી કંપનીની માલિકીનું હતું.

સરકારે 1 એપ્રિલ 1930 ના રોજ પ્રસારણ પોતાના હસ્તક કર્યુ અને તેનું નામ બદલીને ભારતીય રાજ્ય પ્રસારણ સેવા(Indian State Broadcasting Service) કર્યુ. 

આ શરૂઆતમાં પ્રાયોગિક ધોરણે કરવામાં આવ્યું હતું, પરંતુ પછીથી 1932 માં સરકારે કાયમ માટે તેનો નિયંત્રણ લઈ લીધો.

8 જૂન 1936 ના રોજ ભારતીય રાજ્ય પ્રસારણ સેવાને ઓલ ઇન્ડિયા રેડિયોમાં રૂપાંતરિત કરવામાં આવી હતી. હાલમાં, AIR એ વિશ્વની સૌથી મોટી જાહેર પ્રસારણ સંસ્થામાંની એક માનવામાં આવે છે.

વિશ્વ ચેસ દિવસ: 20 જુલાઈ

સંયુક્ત રાષ્ટ્ર દ્વારા દર વર્ષે 20 જુલાઈએ વિશ્વ ચેસ દિવસની ઉજવણી કરવામાં આવે છે.

આ દિવસે 1924 માં પેરિસમાં આંતરરાષ્ટ્રીય ચેસ ફેડરેશન(FIDE)ની સ્થાપના થૈ હતી જેની યાદમા આ દિવસ ઉજવવામાં આવે છે. 

આંતરરાષ્ટ્રીય ચેસ દિવસ 2020 ની ઉજવણી કરવા માટે ટોચના ચેસ ખેલાડીઓ ઉચ્ચ-સ્તરની વર્ચ્યુઅલ ઇવેન્ટ “Chess for Recovering Better” માં ભાગ લેશે.

સંયુક્ત રાષ્ટ્રના મહાસચિવ: એન્ટોનિયો ગુટેરેસ

આંતરરાષ્ટ્રીય ચેઝ ફેડરેશન (FIDE) ના પ્રમુખ: અર્કડી ડ્વોર્કોવિચ

18 જુલાઈ - નેલ્સન મંડેલા આંતરરાષ્ટ્રીય દિવસ

યુનાઇટેડ નેશન્સ દ્વારા દર વર્ષે 18 જુલાઇને નેલ્સન મંડેલા આંતરરાષ્ટ્રીય દિવસ તરીકે ઉજવવામાં આવે છે. આ દિવસ નેલ્સન મંડેલાની યાદમાં ઉજવવામાં આવે છે, જેમણે આંતરરાષ્ટ્રીય સ્તરે લોકશાહી માટેના સંઘર્ષમાં અને વિશ્વભરમાં શાંતિને પ્રોત્સાહન આપવા માટે મોટો ફાળો આપ્યો હતો. 

નેલ્સન મંડેલા આંતરરાષ્ટ્રીય દિવસનો ઇતિહાસ

18 જુલાઈ, 2009 ના રોજ ન્યૂ યોર્કમાં પ્રથમ મંડેલા દિવસની ઉજવણી કરવામાં આવી. યુનાઇટેડ નેશન્સ જનરલ એસેમ્બલીએ 10 નવેમ્બર, 2009 ના રોજ 18 જુલાઈને "નેલ્સન મંડેલા આંતરરાષ્ટ્રીય દિવસ" તરીકે જાહેેેર કરી ઠરાવ સ્વીકાર્યો અને તેને આંતરરાષ્ટ્રીય દિવસ જાહેર કર્યો. 

નેલ્સન મંડેલા

નેલ્સન મંડેલાનો જન્મ 18 જુલાઈ 1918 ના રોજ દક્ષિણ આફ્રિકાના ટ્રાંસકઈમાંં નેલ્સન રોલીહલલા મંડેલા તરીકે થયો હતો. તેમની માતા Nonqaphi Nosekeni અને પિતા Nkosi Mphakanyiswa Gadala Mandela હતા.

જ્યારે રોલીહલlલા 12 વર્ષનો હતા ત્યારે તેના પિતાનું નિધન થયું અને તેથી તે Mqhekezweni ના ગ્રેટ પ્લેસમાં Jongintaba ના વોર્ડ બન્યા.

નેલ્સન મંડેલા (1918–2013) એ પોતાનું જીવન માનવ અધિકાર માટે લડવામાં સમર્પિત કર્યું હતું અને માનતા હતા કે દરેક વ્યક્તિ પાસે વિશ્વને વધુ સારી જગ્યા બનાવવાની ક્ષમતા છે. 1944 માં જ્યારે તેમણે ANC Youth League (ANCYL) બનાવવામાં મદદ કરી ત્યારે તે આફ્રિકન રાષ્ટ્રીય કોંગ્રેસમાં જોડાયા હતા.

1993 માં, નેલ્સન મંડેલા અને ફ્રેડરિક વિલેમ ડી ક્લાર્કને સંયુક્તપણે રંગભેદ શાસનના શાંતિપૂર્ણ અંત માટે અને દક્ષિણ આફ્રિકા માટે નવા લોકશાહીની પાયા નાખવાના કામ માટેના શાંતિના નોબેલ પુરસ્કારથી નવાજવામાં આવ્યા હતા.

મંડેલા 1999 માં રાજકારણમાંથી નિવૃત્ત થયા હતા પરંતુ તેમના મૃત્યુ (5 ડિસેમ્બર 2013 સુધી) શાંતિ માટે વૈશ્વિક વકીલ રહ્યા. મંડેલાનું જોહાનિસબર્ગ સ્થિત તેમના ઘરે મૃત્યુ થયું હતું

સંયુક્ત રાષ્ટ્રનું મુખ્ય મથક: ન્યૂયોર્ક, યુએસએ; સ્થાપના: 24 ઓક્ટોબર 1945.

યુએનના સેક્રેટરી જનરલ - એન્ટોનિયો ગુટેરેસ

આંતરરાષ્ટ્રીય ન્યાય માટેનો વિશ્વ દિવસ: 17 જુલાઈ

World Day for International Justice એટલે કે આંતરરાષ્ટ્રીય ન્યાય માટેનો વિશ્વ દિવસ દર વર્ષે 17 જુલાઈએ વિશ્વભરમાં ઉજવવામાં આવે છે.

આ દિવસ આંતરરાષ્ટ્રીય ન્યાયની મજબૂત પ્રણાલીને ચિહ્નિત કરવા અને પીડિતોના અધિકારોને પ્રોત્સાહન આપવા માટે ઉજવવામાં આવે છે. આ સિવાય દર વર્ષે 17 જુલાઇ લોકોને આંતરરાષ્ટ્રીય ક્રિમિનલ કોર્ટનું (International Criminal Court) મહત્વ વિશે લોકોને જાગૃત કરવા અને વિશ્વભરમાં થતા ગંભીર ગુનાઓ પર કેન્દ્રિત છે.

આંતરરાષ્ટ્રીય ન્યાય માટે વિશ્વ દિવસનો ઇતિહાસ:

17 જુલાઈ એ આંતરરાષ્ટ્રીય ગુનાહિત ન્યાય દિવસ છે. તે રોમના કાયદાને અપનાવવાની વર્ષગાંઠની ઉજવણી કરે છે, જે સંધિએ 17 જુલાઇ 1998 ના રોજ ICCની સ્થાપના કરી હતી.

આંતરરાષ્ટ્રીય ક્રિમિનલ કોર્ટનું મુખ્ય મથક: હેગ, નેધરલેન્ડ્ઝ.

આંતરરાષ્ટ્રીય ક્રિમિનલ કોર્ટના પ્રમુખ: ચિલી ઇબો-ઓસુજી.

આંતરરાષ્ટ્રીય ક્રિમિનલ કોર્ટની સ્થાપના: 2002.

વિશ્વ યુવા કૌશલ્ય દિવસ: 15 જુલાઈ

સંયુક્ત રાષ્ટ્ર દ્વારા દર વર્ષે 15 જુલાઈએ વિશ્વ યુવા કૌશલ્ય દિવસ (World Youth Skills Day) ની ઉજવણી વૈશ્વિક સ્તરે કરવામાં આવે છે. આ દિવસ યુવાનો, તકનીકી અને વ્યાવસાયિક શિક્ષણ અને તાલીમ (TVET) સંસ્થાઓ અને જાહેર અને ખાનગી ક્ષેત્રના હોદ્દેદારો માટે એક અવસર તેમજ યુવાનોને રોજગાર, સારી રોજગાર અને ઉદ્યોગસાહસિકતા માટે કુશળતા પ્રદાન કરવાના મહત્વને ચિન્હિત માટે ઉજવવામાં આવે છે.

વર્લ્ડ યુથ સ્કિલ્સ ડે 2020 ની "Skills for a Resilient Youth" છે.

મલાલા ડે: 12 જુલાઈ

World Malala Day: યુવા કાર્યકર્તા મલાલા યુસુફઝાઇના યોગદાનને માન આપવા સંયુક્ત રાષ્ટ્રએ 12 જુલાઈને વિશ્વ મલાલા દિવસ તરીકે જાહેર કર્યો છે. મલાલા યુસુફઝાઇના જન્મદિવસ પર મલાલા દિવસની ઉજવણી વિશ્વભરમાં મહિલાઓ અને બાળકોના અધિકારોના સન્માન માટે કરવામાં આવે છે.

છોકરીઓના શિક્ષણ માટે સાર્વજનીક રૂપથી અવાજ ઉઠાવનાર મલાલા પર 9 ઓક્ટોબર, 2012 ના રોજ તાલિબાનના બંદૂકધારીઓએ ગોળીઓ વરસાવી હતી. આ હુમલામાં ગંભીર રીતે ઘાયલ થયા હોવા છતાં, મલાલા જલ્દીથી સ્વસ્થ થઈ અને પહેલા કરતાં તેના વિચારોમાં વધુ ઉગ્રતા જોવા મળી અને લિંગ અધિકારની હિમાયત કરી. તેણે એક ગેર-નફાકારક મલાલા ફંડની સ્થાપના કરી છે જે યુવતીઓને શાળાએ જવામાં મદદ કરે છે.

તે આંતરરાષ્ટ્રીય બેસ્ટસેલર "I Am Malala" નામના પુસ્તકની સહ-લેખક પણ છે.

મલાલાને ઘણા એવોર્ડ અને સન્માનોથી સન્માનિત કરવામાં આવ્યા છે જે નીચે મુજબ છે:

પાકિસ્તાન સરકાર દ્વારા તેમને વર્ષ 2012માં પ્રથમ વખત રાષ્ટ્રીય યુવા શાંતિ પુરસ્કાર એનાયત કરાયો હતો.

મલાલાને તેમના બાળ અધિકારના પ્રયત્નો માટે 2014માં નોબેલ શાંતિ પુરસ્કાર આપવામાં આવ્યો હતો. 17 વર્ષની ઉંમરે નોબલ મેળવનાર તે સૌથી યુવા વ્યક્તિ છે.

સંયુક્ત રાષ્ટ્રએ 2019માં સમીક્ષા અહેવાલમાં મલાલાને દાયકાની "વિશ્વનો સૌથી પ્રખ્યાત કિશોરી" જાહેર કરી હતી.

મલાલાને કેનેડાની માનદ નાગરિકતા પણ આપવામાં આવી છે, જેની સાથે તે કેનેડામાં હાઉસ ઓફ કોમન્સને સંબોધન કરનારી સૌથી ઓછી ઉંમરની વ્યક્તિ બની છે.

એક્ટિવિસ્ટ પર બનેલ ડોક્યુમેન્‍ટ્રી  He Named Me Malalaને 2015 માં ઓસ્કર માટે શોર્ટલિસ્ટ કરવામાં આવી હતી.

આ સિવાય તેમણે વી આર ડિસ્પ્લેસ્ડ નામનું બીજું પુસ્તક પણ લખ્યું છે. જેમાં તેણી વિશ્વભરની મુસાફરી અને શરણાર્થી શિબિરનો અનુભવનુ વર્ણન કર્યુ છે. 

વિશ્વ વસ્તી દિવસ: 11 જુલાઈ

વિશ્વ વસ્તી દિવસ એટલે કે World Population Day દર વર્ષે 11 જુલાઈએ વૈશ્વિક સ્તરે ઉજવવામાં આવે છે. આ દિવસ લોકોને વધતી વસ્તી અને લિંગ સમાનતા, કુટુંબ નિયોજનાનું મહત્વ, ગરીબી, માતૃત્વ સ્વાસ્થ્ય, માનવાધિકાર, વગેરે જેવા મુદ્દાઓ વિશે લોકોને જાગૃત કરવા માટે ઉજવવામાં આવે છે.

આ વર્ષના વિશ્વ વસ્તી દિવસ 2020 ની થીમ: Putting the brakes on COVID-19: Safeguarding the health and rights of women and girls.

વિશ્વ વસ્તી દિવસનો ઇતિહાસ:

સંયુક્ત રાષ્ટ્ર વિકાસ કાર્યક્રમ (United National Development Programme) ની ગવર્નિંગ કાઉન્સિલ દ્વારા વિશ્વ વસ્તી દિવસની ઉજવણી વર્ષ 1989 માં શરૂ કરવામાં આવી હતી, તે સમયે વિશ્વની વસ્તી લગભગ 500 કરોડ હતી.

સંયુક્ત રાષ્ટ્ર મહાસભા દ્વારા ડિસેમ્બર 1990 માં અપનાવેલા 45/216 ના ઠરાવ બાદ વિશ્વ વસ્તી દિવસની ઉજવણી કરવાનો નિર્ણય લેવામાં આવ્યો હતો.

આ દિવસને 11 જુલાઈ 1990 ના રોજ 90 થી વધુ દેશોમાં પ્રથમ વખત મનાવવામાં આવ્યો હતો.

યુનાઇટેડ નેશન્સ પોપ્યુલેશન ફંડનું મુખ્ય મથક: ન્યુ યોર્ક, યુનાઇટેડ સ્ટેટ્સ.

યુનાઇટેડ નેશન્સ પોપ્યુલેશન ફંડના એક્ઝિક્યુટિવ ડિરેક્ટર: નતાલિયા કનેમ.

યુનાઇટેડ નેશન્સ ઓપ્યુલેશન ફંડની સ્થાપના: 1969.

વિશ્વ ચોકલેટ દિવસ: 7 જુલાઈ

World Chocolate Day or International Chocolate Day: વિશ્વ ચોકલેટ દિવસ અથવા આંતરરાષ્ટ્રીય ચોકલેટ દિવસ દર વર્ષે 7 જુલાઇએ ઉજવવામાં આવે છે. આ દિવસ આપણા જીવનમાં ચોકલેટની હાજરી માટે ઉજવવામાં આવે છે.

આંતરરાષ્ટ્રીય ચોકલેટ દિવસ: ઇતિહાસ

પ્રથમ આંતરરાષ્ટ્રીય ચોકલેટ દિવસની ઉજવણી 2009 માં કરવામાં આવી હતી. વર્ષ 1550 માં પ્રથમ વખત યુરોપમાં લાવવામાં આવેલા ચોકલેટને ચિહ્નિત કરવા માટે દર વર્ષે 7 જુલાઇના રોજ આ દિવસની ઉજવણી કરવામાં આવે છે.

IBCએ 4 જુલાઈએ "ધર્મચક્ર દિવસ" ની ઉજવણી કરી

આંતરરાષ્ટ્રીય બૌદ્ધ સંઘ (IBC) દ્વારા સંસ્કૃતિ મંત્રાલયના નેજા હેઠળ 4 જુલાઈએ ધર્મચક્ર દિવસની ઉજવણી કરવામાં આવી હતી.

આ દિવસ બુદ્ધના પ્રથમ ઉપદેશની યાદમાં ઉજવવામાં આવે છે, જે તેમણે હિરણ ઉદ્યાનમાં તેમના પ્રથમ પાંચ તપસ્વી શિષ્યોને આપ્યો હતો. હાલમાં, આ સ્થાન ઉત્તર પ્રદેશના વારાણસી નજીક સરનાથમાં સ્થિત છે. બૌદ્ધો સાથે હિન્દુઓ આ દિવસને ગુરુ પૂર્ણિમા માને છે. આ દિવસ શિષ્યોનું ગુરુ પ્રત્યેનું સમર્પણ અને ગુરુનું મહત્વ દર્શાવે છે.

બૌદ્ધ ધર્મ પણ ચક્ર દિવસને ધર્મચક્ર પરાર્વતન દિવસ તરીકે પણ ઉજવાય છે. આ વર્ષે ધર્મ ચક્ર દિનનું ઉદ્ઘાટન રાષ્ટ્રપતિ ભવનથી ભારતના રાષ્ટ્રપતિ રામ નાથ કોવિંદ દ્વારા કરાયું હતું.

સંસ્કૃતિ રાજ્ય મંત્રી (I / C): પ્રહલાદસિંહ પટેલ

International  Day of Cooperatives - 4 July 

World Sports Journalists Day - 2 July 

National Postal Worker Day - 1 July 

National Doctor's Day- 1 July 

National CA Day - 1 July