વિશ્વની સૌથી ઉંચી 'નટરાજ' પ્રતિમા

G20 સમિટ સ્થળ પર વિશ્વની સૌથી ઉંચી 'નટરાજ' પ્રતિમા સ્થાપિત કરવામાં આવી 

• નવી દિલ્હીમાં G20 સમિટના સ્થળ ભારત મંડપમ ખાતે "નટરાજ"ની 27 ફૂટ ઊંચી પ્રતિમા સ્થાપિત કરવામાં આવી છે.
• આ પ્રતિમાનું વજન લગભગ 20 ટન છે અને તે સાત મહિનાના રેકોર્ડ સમયમાં બનાવવામાં આવી છે.
• નટરાજની મૂર્તિની કિંમત લગભગ 10-12 કરોડ રૂપિયા છે.
• અષ્ટધાતુની પરંપરાગત કાસ્ટિંગ પદ્ધતિઓનો ઉપયોગ કરીને તેનું નિર્માણ કરવામાં આવ્યું છે.
• તેને સ્વામીમાલાઈના પરંપરાગત સ્થપિતઓ દ્વારા તૈયાર કરવામાં આવી  છે. તે એક પ્રાચીન હસ્તકલા છે જે ચોલ વંશના શાસન હેઠળ શરૂ કરવામાં આવી હતી.
• તેનુ નિર્માણ તમિલનાડુના તંજાવુર જિલ્લામાં સ્વામીમાલાઈ ખાતે શિલ્પકાર રાધાકૃષ્ણન સ્થાપથી અને તેમની ટીમ દ્વારા કરવામાં આવ્યું છે.

નટરાજ પ્રતિમા:

• નટરાજના રૂપમા શિવની નૃત્યરત મૂર્તિ  મુખ્યત્વે ચોલ સમયગાળા દરમિયાન વિકસિત થઈ હતી. 
• નટરાજ શિલ્પ શિવને નૃત્ય અને નાટકીય કળાના માસ્ટર તરીકે દર્શાવે છે.
• આમાં, શિવની મૂર્તિ પ્રભામંડળ, અગ્નિના વર્તુળથી ઘેરાયેલી છે. શિવનો જમણો હાથ અભય મુદ્રામાં છે.
• શિવનું બ્રહ્માંડીય નૃત્ય બ્રહ્માંડના ચક્રીય સર્જન અને વિનાશનું પ્રતીક છે.