એમ્પ્લીફાઈ 2.0 પોર્ટલ

એમ્પ્લીફાઈ 2.0 પોર્ટલ

કેન્દ્રીય આવાસ અને શહેરી બાબતોના મંત્રાલય દ્વારા એમ્પ્લીફાઈ 2.0 પોર્ટલ શરૂ કરવામાં આવ્યું છે.

કેન્દ્રીય આવાસ અને શહેરી બાબતોના મંત્રાલયે એમ્પ્લીફાઈ 2.0  (Assessment and Monitoring Platform for Livable, Inclusive and Future Ready Urban India) પોર્ટલ શરૂ કર્યું છે.

આ પોર્ટલ માહિતી આધારિત નીતિ નિર્માણમાં મદદ કરવા માટે શિક્ષણવિદો, સંશોધકો અને હિતધારકો માટે એક જ પ્લેટફોર્મ પર ભારતીય શહેરોમાંથી કાચો ડેટા ઉપલબ્ધ કરાવશે.

આ પોર્ટલ પર 225 શહેરી સ્થાનિક સંસ્થાઓ (યુએલબી) આવરી લેવામાં આવી છે અને 150 શહેરોનો ડેટા પોર્ટલ પર ઉપલબ્ધ છે.

4,000 થી વધુ શહેરી સ્થાનિક સંસ્થાઓનો ડેટા આખરે પોર્ટલ પર ઉપલબ્ધ કરાવવામાં આવશે.

ડીઝલના કુલ વપરાશને લગતો ડેટા; પાણીની ગુણવત્તા માટે પરીક્ષણ કરાયેલા નમૂનાઓની સંખ્યા; આરોગ્ય સંભાળ પર સરેરાશ વાર્ષિક ખર્ચ; અને ઝૂંપડપટ્ટીમાં રહેતા લોકોની કુલ સંખ્યા પોર્ટલ પર ઉપલબ્ધ હશે.

અગાઉ, શહેરી સ્થાનિક સંસ્થાઓ દ્વારા પૂરા પાડવામાં આવેલ ડેટાનો ઉપયોગ સરકાર દ્વારા ચાર સૂચકાંકો(ઇઝ ઓફ લિવિંગ ઇન્ડેક્સ, મ્યુનિસિપલ પરફોર્મન્સ ઇન્ડેક્સ, ક્લાઇમેટ સ્માર્ટ સિટીઝ એસેસમેન્ટ ફ્રેમવર્ક અને ડેટા મેચ્યોરિટી એસેસમેન્ટ ફ્રેમવર્ક )ના આધારે શહેરોને ક્રમાંકિત કરવા માટે કરવામાં આવતો હતો.

2030 સુધીમાં, આશરે 60 કરોડ (વસ્તીનો 40%) ભારતના શહેરી વિસ્તારોમાં વસવાટ કરશે.

2011ની વસ્તી ગણતરી મુજબ, શહેરી ભારત દેશના જીડીપીમાં 63% યોગદાન આપે છે.