માલદીવના રાષ્ટ્રપતિએ દાવો કર્યો કે ભારત ટાપુ રાષ્ટ્રમાંથી સૈનિકો હટાવવા માટે સંમત

માલદીવના રાષ્ટ્રપતિએ દાવો કર્યો કે ભારત ટાપુ રાષ્ટ્રમાંથી સૈનિકો હટાવવા માટે સંમત 

ભારતે માનવતાવાદી કામગીરી પર કામ કરવા માટે ટાપુઓ પર તૈનાત લગભગ 75 ભારતીય સૈન્ય કર્મચારીઓને પાછા બોલાવવાની માલદીવની નવી સરકારની વિનંતીને સ્વીકારી છે.

માલદીવના રાષ્ટ્રપતિ મોહમ્મદ મુઈઝુએ આ વાત 3 ડિસેમ્બરે દુબઈમાં COP28 ક્લાઈમેટ સમિટ દરમિયાન વડાપ્રધાન નરેન્દ્ર મોદી સાથે મુલાકાત કર્યાના બે દિવસ બાદ કહી હતી.

ભારતે માલદીવને 2010 અને 2013માં બે હેલિકોપ્ટર અને 2020માં એક નાનું વિમાન ભેટમાં આપ્યું હતું.

આ વિમાનોનો ઉપયોગ રાહત અને બચાવ કામગીરી અને તબીબી કટોકટીમાં થવાનો હતો.

વર્ષ 2021 માં, માલદીવના સુરક્ષા દળોએ જણાવ્યું હતું કે આ હેલિકોપ્ટર અને વિમાનોને ચલાવવા માટે લગભગ 75 ભારતીય સૈનિકો માલદીવમાં હાજર છે.

માલદીવના લામુ અને અડ્ડુ ટાપુઓ પર 2013થી ભારતીય સૈનિકો તૈનાત છે.

હાલમાં, ડોર્નિયર 228 મેરીટાઇમ પેટ્રોલ એરક્રાફ્ટ અને બે HAL હેલિકોપ્ટર સાથે લગભગ 75 ભારતીય સૈનિકો માલદીવમાં તૈનાત છે.

મુઈઝૂએ સપ્ટેમ્બરમાં માલદીવની રાષ્ટ્રપતિની ચૂંટણી જીતી હતી.

ચૂંટણી પ્રચાર દરમિયાન મુઈઝુએ માલદીવની 'ઈન્ડિયા ફર્સ્ટ' નીતિનો વિરોધ કર્યો હતો. આ ચૂંટણીઓમાં ઈન્ડિયા આઉટના નારાની પણ ખૂબ ચર્ચા થઈ હતી.

મુઈઝુએ 18 નવેમ્બરે ભારતને તેના સૈનિકો પાછા ખેંચવા માટે ઔપચારિક વિનંતી પણ કરી હતી.